II Qarabağ müharibəsi iştirakçısı Firudin Ceyhun oğlu Firudinlinin intihar etdiyi deyilir.

Əslən Cəbrayıldan olan F.Firudinlinin sentyabrın 26-da özünü asdığı bildirilir.Bu barədə onun döyüş yoldaşları sosial şəbəkədə məlumat yayıblar.

Ancaq F.Firudinlinin hansı səbəbdən intihar etdiyi məlum deyil.Müdafiə Nazirliyi hərbçinin intiharı haqda hər hansı xəbər yaymayıb.

Firudin Firudinli “Cəbrayılın azad olunmasına görə”, “Xocavəndin azad olunmasına görə”, “Füzulinin azad olunmasına görə”, “Vətən müharibəsi iştirakçısı” medalları ilə təltif olunmuşdu.

Bu, 2020-ci ilin sentyabrında başlanan 44 günlük müharibədən sonra 44-cü intihar hadisəsidir.

Ümumilikdə isə intihar həddinə çatdırılanların sayının 50 nəfər olduğu bildirilir. //meydan.tv//