Krım körpüsünün tamamilə bərpası ən tez üç-beş ay ərzində mümkündür.

Bu fikri Ukrayna daxili işlər nazirinin müşaviri Vadim Denisenko informasiya telemarafonunun efirində Krım körpüsündə baş verən partlayışı şərh edərkən bildirib.

"Avtomobil logistikasından danışsaq, təbii ki, rusların bir-iki həftə ərzində yıxılan bu üç aralığı təmir edə biləcəkləri barədə bəyanatları tamamilə yalandır. Mütəxəssislərin fikrincə, buna ən azı 5 ay vaxt lazımdır”, - Denisenko bildirib.

O əlavə edib ki, yaxın vaxtlarda Kerç boğazında tufanlar dövrü başlayacaq və bu, təmir işlərinin aparılmasını demək olar ki, qeyri-mümkün edəcək.

"Növbəti, noyabr-dekabr-fevral ayları başlayacaq. Bu, Kerç boğazında kifayət qədər yüksək səviyyəli tufanların baş verdiyi vaxtdır", - Denisenko vurğulayıb.