Xəbər verdiyimiz kimi sosial şəbəkələrdə oğurluğa görə şübhəli bilinən Bakı sakini İsmayıl Qəhrəmanovun polis tərəfindən zorakılığa məruz qalmasının görüntüləri yayılmışdı.

Xətai rayon Məhkəməsi tərəfindən azadlığa buraxılan şəxsin məhkəmədən çıxan kimi polis tərəfindən yenidən saxlanılması müzakirələrə səbəb olmuşdu.

Daxili İşlər Nazirliyinin Mətbuat Xidmətindən bildirilib ki, paytaxtın Binəqədi, Xətai, Nizami rayonlarında çoxsaylı oğurluq əməllərində şübhəli bilinən 1995-ci il təvəllüdlü, əvvəllər dəfələrlə məhkum olunan İ.Qəhrəmanov barəsində məhkəmə qərarı ilə 4 ay həbs qətimkan tədbiri seçilib. 

Cinayət Məcəlləsinin 177-ci maddəsində nəzərdə tutulan əməli törətməkdə şübhəli şəxs barəsində cinayət işinin istintaqı Bakı şəhər Baş Polis İdarəsində aparılır.