Bu il fevralın 5-də ölkə ərazisində baş verən zəlzələ nəticəsində Ağsu rayonu İlyas Allahverdiyev küçəsi, ev 13 ünvanında yaşayan İmanovlar ailəsi ciddi ziyan görüb. DİA.AZ bildirir ki, Fazilə İmanova onsuz da qəzalı olan ikiotaqlı evləri təbii fəlakətdən sonra uçulub-dağılmaq təhlükəsi ilə üz-üzə olduğunu deyərək yerli rəhbərliyin biganəliyindən şikayət edir:

“Evimiz onsuz da köhnə idi. Bu zəlzələdən sonra daha çox ziyan dəydi. Bununla bağlı Ağsu Rayon İcra Hakimiyyətinə getdik. İyirmi gündən sonra gəlib evə baxış keçirdilər. Amma heç bir rəy bildirmədən getdilər. Halbuki, ətrafda olan qonşuların evlərinin təmir işlərinə artıq başlanılıb. Bəs yaxşı, bizim evi niyə təmir etmək istəmirlər? Prezident bununla bağlı sərəncam da verib, amma buradakılar qulaqardına vururlar. Dörd körpə uşağım var, qorxudan ağlaşıb, evə girmirlər. Divarlar
Şikayətçi bildirir ki, fevral ayından bu yana dəfələrlə icra başçısının qəbulunda olublar. Hətta Fövqəladə Hallar Nazirliyinin Ağsudakı nümayəndələri ilə də görüşüblər:

“Hər dəfə deyirlər ki, gedin, düzələcək. Artıq boş və yalan vədləri eşitməkdən bezmişik, gəlib baxmırlar da. Hətta Fövqəladə Hallar Nazirliyinin hazırda burada olan nümayəndələri ilə də görüşmüşük. Hamısı da deyir ki, gözləyin, gəlib baxacağıq. Burada elə evlərin təmirinə pul ayırıblar ki, hec ehtiyac yoxdur. Ailəmiz altı nəfədən ibarətdir. Nə yoldaşım, nə də ki, mən işləmirəm. Ayda uşaqlara görə 188 manat sosial müavinət alırıq. Başımızı soxmağa bir evimiz var idi. O da uçub gedir. Evə ancaq gecə yatanda giririk. İkiotaqlı mənzildir. Qarşısında şiferlə mətbəx düzəltmişik”.

İddia olunanlarla bağlı DİA.AZ olaraq qarşı tərəfi də dinləməyə hazırıq...


Paylaş: