Azərbaycanın ən böyük kənd təsərrüfatı şirkətlərindən biri kapitalını artırıb. regionxeberlericom.az FED.az-a istinadən xəbər verir ki, Azərbaycanda bir neçə kənd təsərrüfatı şirkətinin aktiv sahibi olan "Agro Food Investments" MMC nizamnamə kapitalını 142 milyon 996 min manata (84,1 milyon ABŞ dolları) çatdırıb.
Eləcə də bax:«Paşa Holdinq» şəkər bazarında – YENİ ZAVOD TİKİLƏCƏK
Bu ölkənin kənd təsərrüfatı şirkətləri arasında ən yüksək ödənilmiş səhm kapitalıdır.

Kommersiya təşkilatı reyestrinə əsasən, "Agro Food Investments" 2018-ci ilin avqustunda 100 min manat ilkin kapitalla yaradılıb.

Onun Azərbaycanın əsasən şimal və şimal-qərb, aran bölgələrində südçülük fermaları, zeytun, badam bağları, müxtəlif rayonlarda 3200 ha-dan çox torpaqları, bir neçə (Yalama, Şəmkir) aqroparkı var.

Şirkətin direktoru Məcnun Məmmədovdur. O, "Grand-Agro" MMC, "Grand-Agro İnvitro" MMC-y də rəhbərlik edir. "Agro Food Investments" "Pasha Holding" qrupunun bir hissəsidir.


Paylaş: