Azərbaycanda bir sıra ticarət obyektlərində, mağazalarda il sonu endirimləri həyata keçirilir. Həmçinin noyabrın sonuncu cümə günü məşhur "Black Friday", yəni "Qara Cümə" günü də artıq bir neçə ildir ölkəmizdə keçirilir. Həmin gün bir çox mağazalarda 50-70, bəzən də 90% -ə qədər endirimlər edilir. Lakin marketoloqlar xəbərdarlıq edir ki, bir sıra mağazalar “QARA CÜMƏ”dən bir neçə həftə öncə bilərəkdən qiymətləri yüksəldə bilərlər. Bir çox mağazalar bu endirim günündən öz reklamları üçün istifadə edirlər. Bəzi hallarda isə anbarda uzun müddət gözləyən məhsullar rəflərə düzülür. Əksər mağazalar isə bütün məhsullara deyil, yalnız müəyyən məhsullarına şamil edir. Bəs, Azərbaycanda “QARA CÜMƏ” ilə bağlı endirimlərə nə qədər inanmaq olar? Endirimlər realdırmı? Saxta endirimlər qeydə alınırmı? Onlarla hər hansı bir mübarizə üsulu varmı?