Zəngəzur dəhlizi Azərbaycanın strateji maraqları ilə paralel olaraq beynəlxalq bazarlardakı tələb meyarlarına əsaslanır.

Prezident İlham Əliyev yerli telekanallara müsahibəsində bildirdi ki, Zəngəzur dəhlizi həm də region ölkələrinə vacibdir.

Mümkündür ki, Prezident bununla həm də "dəhliz qlobal oyunçular üçün də önəmlidir" mesajını çatdırır.

Azərbaycan böyük layihələri özünün milli-strateji maraqları kontekstində inkişaf etdirmək qətiyyətini nümayiş etdirir.

Prezidentin açılması gözlənilən Zəngəzur dəhlizini Azərbaycan üçün strateji layihə kimi dəyərləndirməsi Bakının gələcək hədəflərini də göstərir.

***

İlham Əliyevin "Transxəzər" proyekti ilə bağlı mövqeyinə dair fikirlərim:

- İlham Əliyevin Türkmənistan qazının Avropa bazarlarına çıxarılması üçün nəzərdə tutulan "Transxəzər" layihəsi barədə nikbin olmayan fikirləri hələ layihənin reallaşmağa yaxın olmadığını göstərir,

- Burada əsas problem maliyyə qaynaqlarının tapılması ilə bağlıdır,

- Bu, onu göstərir ki, Azərbaycan, Türkiyə və Türkmənistan liderlərinin üçtərəfli görüşündə razılıq əldə edilməyib,

- Türkmənistan qazının ixrac miqyası regionda geostrateji rəqabəti qızışdırır,

- Mümkündür ki, cənab Prezident maliyyə mənbələrinə toxunmaqla, həm də üstüörtülü şəkildə geosiyasi risklərin mövcudluğuna işarə verir...

Aqşin Kərimov - DİA.AZ