Bakı şəhəri Xəzər rayonu, Binə qəsəbəsi, Hövsan Südçülük Sovxozunda yaşayan Tarverdiyeva Kəmalə Vəli qızı tərəfindən müraciət daxil olub.

Azərbaycan Respublikasının birinci vitse-prezidenti Mehriban xanım Əliyevaya
Surəti: Azərbaycan Respublikasının Səhiyyə naziri cənab Oktay Şirəliyevə
Surəti: Azərbaycan Respublikası İnsan hüquqları üzrə müvəkkil xanım E.Süleymanovaya
Surəti: Azərbaycan Respublikasının Ailə və Uşaq Komissiyasının sədri Hicran xanım Hüseynovaya
Surəti: Azərbaycan Respublikasının Daxili İşlər Naziri cənab Ramil Usubova
Surəti: Azərbaycan Respublikasının Baş Prokuroru cənab Zakir Qaralova ünvanlanmış müraciətdə şikayətçi yazır:
"Mən Tarverdiyeva Kəmalə Vəli qızı, 30.03.1981- ci ildə Naxçıvan MR-Sədərək rayonunun Sədərək kəndində anadan olmuşam. Orta təhsilliyəm. 15.05.2006- cı ildə Tarverdiyev İntizam İbad oğlu ilə ailə həyatı qurmuşam və bu nigahdan qızım və oğlum dünyaya gəlib. Qızım Jasmin 8-ci sinif, oğlum Rəsul isə 4-cü sinif şagirdləridirlər. Hər ikisi də məktəbdə əlaçılar sırasındadır.
Belə ki, aprel ayında hamiləliyimlə bağlı Binə qəsəbəsində yerləşən 29 saylı Birləşmiş Şəhər Xəstəxanasının poliklinika şöbəsində uçota alınmışam. Poliklinikanın həkim ginekoloqununun verdiyi məsləhət ilə mən "Kəbirə Məmmədova Tibb Mərkəzi”nə gondərildim. Hamiləliyimin 3-cü ayından 9 ayına kimi “Kəbirə Məmmədova Tibb Mərkəzi"ndə uçotda olmuşam. Mütəmadi olaraq, vaxtı-vaxtında həkim məsləhəti ilə“UZİ, DOPPLER, və AZON” aparatlarından keçirdim. Axırıncı dəfə 4 dekabr 2018-ci il tarixdə "Kəbirə Məmmədova Tibb Mərkəzi" “DOPPLER” deyilən aparatlardan klinikanın baş həkimi Nigar Priyevanın nəzarəti altında keçdim. Bu zamanlarda uşağın cinsiyyətinin oğlan olduğu və sağlam olduğu barəsində məlumatlandırıldım və həkim Nigar Priyeva tərəfindən rəsmi sənəd verildi. Sonradan məlum olur ki pul xatirinə mənə yalan məlumatlar vermişlər. Sonda məni 25 dekabr 2018- ci il tarixdə Bakı şəhər Qara Qarayevdə yerləşən 7 saylı Doğum evinə uşağın azad olunması üçün yerləşdirildim. 26 dekabr 2018- ci il tarixdə ikinci keysəriyyə əməliyyatı ilə uşaq dünyaya gəldi və uşaqda çoxsaylı qüsurlar aşkar olundu. "Kəbirə Məmmədova Tibb Mərkəzi”nin baş həkimi olan Nigar Priyeva hamiləlik dövründə həm də UZİ- Doppler aparatlarına nəzarət edirdi.Uşaq qüsurlu doğulduğu üçün 7 saylı uşaq Doğum evindən ambulator təcili yardım vasitəsi ilə Bakı şəhərində yerləşən K.V.Fərəcov adına Elmi Tədqiqat Pediatriya İnstituna göndərildim və oğlum üç gündən sonra dünyasın dəyişdi. Diaqnoz: P.21.0 Doğuş asfikasiyası; beyin ölümü, 1-ci dərəcəli baş-beyin qan sızması, anadangəlmə inkişaf qüsurları, qabırğaların inkişaf qüsuru, əl-ayaq barmaqlarının pərdəli olma qüsurları, poland sindromu, funksional oval dəlik. Bu saydıqlarımın övladımda olmasının səbabkarı başda Kəbirə xanım olmaqla, özəl klinikanın tibbi heyyətidir. Klinikada bir seans “Azon” vermək 50 manatdır və mən 10 dəfə “Azon” olunmuşam. UZİ aparatların hər seansı 50 manatdır. Ümumillikdə o klinika məndən 1500 manata qədər pul mənimsəyib və nəticədə nə düzgün müalicə olunmuşam, nədə ki düzgün diaqnoz qoyulub.Mediatv.az müraciət edən Kəmalə xanım bildirir ki, övladım öləndən sonra 7 fevral 2019-cu il tarixdə saat 10 radələrində “Kəbirə Məmmədova Tibb Mərkəzi"nə getdim ki, Nigar xanıma iradlarımı bildirim və xərclədiyim bütün pulları geri alım, ancaq o heç məni dinləmədən təhqir edib söyərək itələdi. Piriverdi həkim və bir neçə işçilər 102 xidmətini çağıraraq məni və qayınanam Tükay Tarverdiyevanı qovdular. 102 xidmətinin əməkdaşları bizi Xəzər rayonunun 1-ci polis bölməsinə apardılar. Nə mən, nədə ki, klinikanın işçiləri mübahisə zamanı heç bir xəsarət almamışdı. Çünki mən onları artıq qabaqcadan Xəzər rayon Məhkəməsinə vermişdim. Onlar bunu biləndən sonra məni şərlədilər ki, guya mən klinikanın işçilərindən birinin başın yarmışam, birinin ağzını "cırmışam”, tibb işçilərindən Mehriban və Sürayyəni güya döymüşəm. Şahid qismində isə 10 nəfərə kimi klinikanın işçilərini üzümə şahid durguzmağa cəhd etdilər. Bu işi araşdıran sahə müvəkkili Akif müəllim və təhqiqatçı Anar müəllim,ortada bir dəlil və sübut olmadığı üçün araşdırmaya xitam verdilər. 157- ci maddəni tərtib edərək 1-ci polis bölməsinin rəisi, işi araşdırmadan və üzləşdirmə aparmadan özü məni 500 manat cərimə pratakolu tərtib edərək “məhkəməsiz” Xəzər rayon Məhkəməsinin icra şöbəsinə göndərir. Bu işlə bağlı məhkəməyə müraciət etmişəm və iş Xəzər rayon Məhkəməsində araşdırılır.
O ki qaldı Kəbirənin özünə və onun klinikasına, mənə hamiləliyim dövründə etdiyi zülmlərə, 1500 manat vurduğu maddi ziyana görə müvafiq qanunvericiliyimizlə məsuliyyət daşımasını isdəyirəm.Onlar nə dövlətimizə, nədə ki, qanunlarımıza hörmətlə yanaşmır. Klinikanın baş həkimi Nigar Priyeva isə belə deyir: “Sən kimsən? Sizin kimiləri çox görmüşük. Əlinizdən nə gəlir gedin şikayət edin. Biz heç kimdən qorxmuruq”.
Hörmətli Mehriban xanım.
Bir ana olaraq başıma gələnləri qələmə alıb yazıb sizdən xahiş edirəm: Klinikanın baş həkimi Piriyeva Nigar Priverdi qızının, onun atası Priverdi həkimin, klinikanın başında duran “Binə Bazarı"nın müdiri Kəbirə xanımın eləcə də bu işə müvafiq olan şəxslərin qanunlarımız qarşısında cavab verməsi üçün aidiyyatı qurumlara göstəriş verəsiniz.(mediatv.az)


Paylaş: