Dövlət Gömrük Komitəsinə Şahin Bağırovun sədr təyinatı rəsmiləşəndən sonra xüsusən iş adamlarında, sahibkarlarda, fermerlərdə gözləntilər yaranmışdı ki, gömrükdə ixrac-idxal əməliyyatlarında ciddi islahatlar aparılacaq, şəffaflaşma prosesi gedəcək, əvvəlki süni əngəllər aradan qaldırılacaq, qeyri-rəsmi tələblərə son qoyulacaq. Lakin Anaxeber.info vasitəsi ilə Prezident İlham Əliyevə müraciət edən sahibkarların şikayətindən belə aydın olur ki, Şahin Bağırovun sədrliyi dövründə də müsbətə doğru hər hansı dəyişiklik nəzərə çarpmır. Ona görə bir qrup sahibkar dövlət başçısına müraciət ünvanlayaraq üzləşdikləri problemin həllinə kömək xahiş ediblər. Həmin məktubu təqdim edirik:

Cənab Prezident, dəfələrlə qeyd etmisiniz ki, kənd təsərrüfatı ixracı ölkəmiz üçün prioritet məsələlərdən ən birincisidir.

Bu gün ölkədə kənd təsərrüfatı ixracı ilə bağlı inkişaf sürətlə gedir, vətəndaşlar ölkə ərazisinin hüdudlarından kənarda satıla biləcək məhsulların yetişdirilməsinə böyük əmək sərf edirlər. Yəni mövsümi meyvələr, tərəvəzlər ölkə ərazisindən ixrac edilir. Lakin bu gün ölkədən ixrac edilən məhsulları gömrük rəsmiləşdirilməsinin ərazi vahidlərinə ayırmaq, yəni ərazi üzrə ixracatçını yalnız məhsul yetişdirilən ərazidə gömrük rəsmiləşdirilməsinə vadar etmək korrupsiyaya, vəzifədən sui-istifadəyə yol açmaqdan başqa bir şey deyil. Çünki bu zaman sahibkar sanki ərazi gömrük orqanının quluna çevriləcək. Mövsümi məhsulu isə qısa zaman içərisində ölkə ərazisindən ixrac edilməsi üçün sahibkar maksimum operativ olmalıdır".

Müraciətdə deyilir ki, bu gün ölkəmizdə elə məhsullar var, onların yetişdirilməsi Rusiya, Ukrayna, Belarus və digər bazarlar üçün nəzərdə tutulub. Bu cür məhsulların ixrac edilməsində qarşıya çıxan hər bir maneə sahibkarın əziyyətini yerə vurmaqdan başqa bir şey deyil. Gömrük Komitəsinə yeni rəhbər təyin edilən hörmətli Şahin Baqirovun bəlkə də məlumatı yoxdur, Şimal ərazi gömrük idarəsində ölkə ərazisində yetişdirilən məhsulların rəsmiləşdirilməsinə qadağa qoyublar. Belə ki, nar, xurma, pomidor və ya digər ərazi üzrə yetişdirilməyən məhsuldursa sahibkar üçün əlverişli olsa da Rauf Rzayevin rəhbərliyi altında olan ərazidə rəsmiləşdirilməyəcəyi bildirilib. Biz ixracatçı olaraq məhsulu soyuducu anbarlardan və bağlardan əldə etdiyimiz halda bizdən qanunsuz olaraq, məcburi şəkildə anbar tikməyimizi tələb edir və bundan başqa hər hansı bir vergi organında qeydiyyatda olduğuna baxmayaraq, belə bir şey mümkün olmadığı halda əlavə olaraq məhsul ixrac etdiyimiz ərazidə yeni vöen almağımızı tələb edir. Sahibkar olaraq 1 gün ərzində ölkənin fərqli bölgələrindən 3 yük maşını fərqli kənd təsərrüfatı məhsulları ixrac etməli olsa gərək hər rayonda 1-2 gün gömrük rəsmiləşdirilməsinə vaxt sərf etsin. Şimal ərazi gömrük idarəsinin rəisinin bu özbaşınalığına son qoyulmasa ölkədə yetişdirilən kənd təsərrüfatı məhsulları yerindəcə məhv olacaq və ölkəyə gələcək olan külli miqdarda valyutanın ölkəyə qayıtmasının qarşısını alacaqdır. Bundan əlavə, rəsmiləşdirilmə olduqda gömrük bəyannaməsində şişirdilmiş məhsul qiyməti tələb olunur. Belə ki, nar 80 sentə rəsmiləşdirildikdə , Rusiya nar məhsulunun rəsmiləşdirilməsinə sahibkar 1400 dollar məbləğ ödəyirsə, gömrüyün tələb ettiyi 1.80 sent olduqda həmin eyni çəkili məhsul 2300 dollar olacaq. Bu isə sahibkar olaraq hər nəqliyyat vasitəsində 1000 dollar sahibkara artıq pul vəsaiti deməkdir.

Sahibkardan bu cür bəyəmnamə qiyməti tələb etmək nə əsasladır?Nə üçün Azərbaycan sahibkarı Rusiya büdcəsinə əlavə pul ödəməlidir? Sahibkar olaraq bizlər son bir neçə gündə qarşılaşdığımız bu maneəni həm ölkə Prezidenti olaraq Sizə və yeni vəzifəyə təyin edilən gömrük komitəsinin rəhbəri Şahin Bağırova çatdırılmasını özümüzə borc bildik. Xahiş edirik bu cür yanaşmanın tezliklə qarşısı alınsın".

Anaxeber.info