Naxçıvanda “Gəmiqaya Holdinq”dən ayrılan şirkətlər parçalanır.

RegionXəbərləricom.az “Ölkə.Az”a istinadən məlumatına görə, “AZA Beton Məmulatları” MMC tərkibindən "Avtonəqliyyat-75" MMC-nin ayrılması, “Reges İnşaat&Consulting Company” MMC isə tərkibindən "Tu Hold-75" MMC-nin ayrılması nəticəsində yenidən təşkil olunur.

Qeyd edək ki, “AZA Beton Məmulatları” MMC 30.12.2022 tarixində dövlət qeydiyyatına alınıb və qanuni təmsilçisi Bağırov Nurəddin Məmməd oğludur. Şirkıətin nizamnamə kapitalı 548,779 min manat, hüquqi ünvanı Naxçıvan şəhəri, N.Tusi, ev 5-dir.

“Reges İnşaat&Consulting Company” MMC isə 15.12.2021 tarixində dövlət qeydiyyatına alınıb və qanuni təmsilçisi Aznhasan Albayrakdır. Nizamnamə kapitalı 532,774 min mana tolan şirkət Naxçıvan şəhəri, Cəlil Məmmədquluzadə ünvanında qeydiyyatdadır.

Xatırladaq ki, 29.12.2022 tarixində “AZA Beton Məmulatları” MMC “Gəmiqaya Holdinq”ə daxil olan “Gəmiqaya Yol-Su Enerji” MMC-nin tərkibindən ayrılmışdı.

Onu da bildirək ki, bir müddət əvvəl Naxçıvan Ali Məclisinin sabiq sədri Vasif Talıbovun oğlu Rza Talıbovun prezidenti olduğu “Gəmiqaya Holdinq”in adı “Arkoz Holdinq”ə dəyişib. Hazırda “Arkoz Holdinq”in sahibi və idarəçisinin türkiyəli iş adamı Çengiz Çelik olduğu deyilir.