Gürcüstan Prezidenti Salome Zurabişvili Tbilisidəki mitinqlərə görə Nyu-Yorkdakı görüşlərini ləğv edib.

Bu barədə Gürcüstan prezidentinin administrasiyası məlumat yayıb.

Zurabişvilinin əhaliyə müraciət edəcəyi gözlənilir.

Qeyd edək ki, bu gün Gürcüstan parlamentidə “xarici agentlər” barədə qanun qəbul edilib. Müxalif qüvvələr yeni qanunun media azadlığını məhdudlaşdıracağı və digər mənfi tərəflərinin olduğunu bildirirək etirazlara başlayıb.

Polis mitinqi dağıtmaq üçün gözyaşardıcı qazdan istifadə edib.