Ermənistanın Geğarkunik vilayətinin (Göyçə) Azat kəndində baş verən yanğında ölmüş 15 hərbçinin valideynləri yenidən İrəvanda hökumət binası yaxınlığına toplaşıb.

Məlumata görə, Modern.az Ermənistan mətbuatına istinadən xəbər verir ki, onlar hələ də baş nazir Nikol Paşinyan və müdafiə naziri Suren Papikyanla görüş tələb edirlər.

Bir müddət əvvəl valideynlərin nümayəndəsi, vəkil Norik Norikyan mətbuata bildirib ki, görüşün keçirilməsinin mümkünlüyü barədə heç nə məlum deyil.

Qeyd edək ki, bu yaxınlarda valideynlər həmin tələblə yolu bağlamışdılar.