"Vaqner" PMC-nin texnikası Lipetsk vilayətində hərəkət edir".

Bu barədə qubernator İqor Artamonov teleqram kanalında bildirib.

O bildirib ki, əhalinin təhlükəsizliyini təmin etmək üçün tədbirlər görülür:

""Vaqner" PMC-nin texnikası Lipetsk vilayətinin ərazisindən keçir. Hüquq-mühafizə orqanları və hakimiyyət orqanları, o cümlədən bələdiyyələr əhalinin təhlükəsizliyini təmin etmək üçün bütün lazımi tədbirləri görür".

Qeyd edək ki, “Vaqner” PMC-nin təsisçisi və rəhbəri Yevgeni Priqojin ötən gün Rusiya Müdafiə Nazirliyini artilleriya və hücum helikopterlərindən istifadə etməklə onun yarımhərbi birləşməsinin arxa düşərgələrinə raket zərbələri endirməkdə ittiham edib.

Priqojin sərəncamında 25 min döyüşçünün olduğunu bildirib və nizami ordu hərbçiləri də daxil olmaqla, bütün istəkli rusları onlara qoşulmağa çağırıb.

Federal Təhlükəsizlik Xidməti silahlı üsyan faktı ilə bağlı cinayət işi açıb.