Prezident İlham Əliyevin haqlı olaraq imtina etdiyi Qranada görüşündə belə Ermənistan Baş nazirinin 86,6 min kvadrat kilometr ərazinin əksini tapdığı bəyannaməyə imza atdığı halda Avropa Parlamenti Avropa İttifaqını Azərabaycana qarşı sanksiya tətbiq etməyə çağırıb. 

Səbəbləri də məhz siyasətləri kimi aradoksaldır. Azərbaycanın Qarabağ iqtisadi rayonunda cəmi 24 saat ərzində həyata keçirdiyi antiterror tədbirlərini və onun bu gün gül açan nəticələrini alqışlamağa borclu olan Avropa Parlamenti Aİ-ni qətnamə qəbuluna sürükləməklə Qranadada təmsil olunan 3 Avropa nümayəndəsinin “ərazi bütövlüyü” bəyannaməsinə atdığı imzaları da aşağılamış oldu.

İspaniyanın Qranada şəhərində Fransa Prezidenti Emmanuel Makron, Almaniya kansleri Olaf Şolts, Avropa İttifaqı Şurası rəhbəri Şarl Mişel və Ermənistan Baş naziri Nikol Paşinyan iştirak edib. 

Vəziyyətə baxın: Avropa İttifaqı Şurası rəhbəri Şarl Mişel 86,6 min kvadrat kilometr ərazinin Azərbaycanın olduğunu təsdiqləyən sənədə imza atır, AP isə onun rəhbərlik etdiyi Şuradan tələb edir ki, Azərbaycanın həmin 86,6 min kvadrat kilometr ərazinin içərisində terrorçuları zərərsiləşdirməsi, erməniəsilli vətandaşları girovluqdan xilas etməsi, onların yeni qaydalarla məskunlaşması tədbirlərini pisləyən sənəd qondarsın.