İsrail hərbçiləri axşam saatlarında Qəzza zolağının şimal hissəsinə daxil olaraq quru əməliyyatları üçün ərazisini genişləndirib.

Bu barədə İsrail Müdafiə Qüvvələrinin sözçüsü Daniel Haqari brifinqdə məlumat verib.

“Axşam saatlarında İDF qüvvələri Qəzza zolağının şimal hissəsinə daxil olub və quru əməliyyatları üçün ərazisini genişləndirib. Bu əməliyyatlara piyada, zirehli, mühəndis və artilleriya birləşmələri cəlb olunub. Əməliyyat intensiv atəşlə müşayiət olunub. İtkilər barədə məlumat yoxdur", - Haqari deyib.