Müsavat başqanı Arif Hacılının oğlu Orxan Hacılının barəsində 2 aylıq həbs qətimkan tədbiri seçilib.

Bu barədə onun yaxınları sosial şəbəkələr vasitəsilə məlumat yayıblar.

Xatırladaq ki, ona qarşı Cinayət Məcəlləsinin 263.1 (nəqliyyat vasitəsini idarə edən şəxs tərəfindən yol hərəkəti və ya nəqliyyat vasitələrinin istismarı qaydalarının pozulması, ehtiyatsızlıqdan zərərçəkmiş şəxsin sağlamlığına az ağır və ya ağır zərər dəydikdə) və 264-cü (yol-nəqliyyat hadisəsi yerindən qaçma) maddələri ilə ittiham elan edilib.

Qeyd edək ki, oktyabrın 20-si Orxan Hacılının Bakıda yol qəzası törətməsi barədə görüntülər yayılmışdı. O, noyabrın 1-də təqsirləndirilən şəxs qismində məsuliyyətə cəlb edilmişdi.