"Penitensiar xidmətə yeni rəisin təyinatından sonra ümid edirdik ki, bu sahədə olan müəyyən negativ hallar qismən də olsa aradan qaldırılacaq lakin gözlədiyimizin əksi oldu. Vəzifəyə təyin olunduğu gündən Mirsaleh Seyidov vəzifə səlahiyyətlərindən sui-istifadə hallarına yol verərək, ədliyyə orqanlarının fəaliyyətinə uyğun olmayan işlərlə məşğul olur".

Qeyd edək ki, bu sözlər bizə təqdim olunan məqalədə yer alıb. Məqalədə əlavə iddialar da var idi və dünən bildirmişdik ki, onu da növbəti dəfə təqdim edəcəyik...

BİRİNCİ YAZI: Penitensiar sistemdə SEYİDİN YOLU... - İTTİHAM VAR...

Yazının davamında deyilir:

"Penitensiar müəssisələrdə baş verən qanunazidd hadisələrdən biri də budur ki əfv komissiyasına müstəqil müraciət edən məhkumlar cəza çəkdikləri müəssisənin rəisləri tərəfindən haqqlarında mənfi xarakteristika veriləcəkləri ilə qorxudularaq onlardan 1000 manat məbləğində rüşvət tələb edilir ki nəticədə məhkum buna razılıq verir. Bu işdə fəal olan rəislər Şağan cəzaçəkmə müəssisəsinin rəisi Ziya Hümbətov, Qaradağ rayonunda yerləşən cəzaçəkmə müəssisəsinin rəisi Vaqif İsmayılov və Xaçmaz rayon cəzaçəkmə müəssisəsinin rəisi İmran və onun müavini Fəxrəddin adlı şəxslər vardır.

Bu hallara haqlı olaraq etiraz edən məhkum ailələrinə cəzaçəkmə müəssisələrinin rəhmərliklərinin gətridikləri bəhanə isə məbləğin Penitensiar xidmət rəhbərliyi tərəfindən tələb edildiyi və bu məbləğin yenə də yuxarıda qeyd etdiyimiz kimi penitensiar müəssisələrin təmir-tikinti, abadlıq işlərinə lazım olduğu bildirilir. Məsələnin acı tərəfi də budur ki, bu kimi hallarda məhkum ailəsinin qazi, şəhid ailəsi olduğuna həssaslıqla yanaşılmır. Bu kimi neqativ hallar da dövlətimizin bu kateqoriyadan olan ailələrə göstərilən dövlət qayğısı siyasətinə kölgə salmağa xidmət edir".

Qeyd edək ki, bu faktlarla bağlı Prezidentə müraciət edən məqalə müəllifi daha sonra belə vurğulayır:

"Cənab Prezident vətəninə dövlətçiliyinə sadiq bir vətəndaş kimi dövlətin təməl sütünlarından biri olan Ədliyyə orqanlarında bu kimi anormal vəziyyətin mövcudluğuna göz yuma bilməyərək vəziyyət barədə Sizə məlumat verməyi özümüzə borc bildik".

(Dia.az)