Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət  Əmək Müfəttişliyi  Xidmətinin  rəisi cənab Vəli Quliyevə

Şəki rayon Çələbixan qəsəbəsi, ev 42 ünvanında yaşayan Məmmədov Qaçay Mürşüd oğlu tərəfindən

ŞİKAYƏT ƏRİZƏSİ

Hörmətli  Rəis!

Məm Məmmədov Qaçay Mürşüd oğlu yazaraq Sizə bildirirəm ki, uzun müddətdir  işsizəm. Üç ay bundan əvvəl  “Vətən- N “mühafizə  xidmətinin rəisi Novruz  İsrafilovla tanış oldum. Ona işlə bağlı müraciət etdim. O mənə bildirdi ki, bir az səbrli ol, mən özüm sənə xəbər edəcəm. O, bu sözü dedikdən sonra bildirdi ki, işə düzəlməyin bir az xərci var. Mən ondan nə qədər  xərc lazım olduğunu soruşdum. O isə mənə dedi ki, o biri mühazifə xidmətinin rəisləri    7000-8000 manat pul alırlar, amma biz aşağı qiymətə həll edərik. Mən ondan tam açıq söz deməsini istədim. O isə dedi ki, başqalarına 4000  manatdır, sən məcburi köçkün olduğuna görə səndən 3000 manat alacağam. 

Avqust ayının 31-i biz  rastlaşdıq, o özü mənə bildirdi  ki, sabah, yəni sentyabr ayının 1-i saat 09:00-da Şəki Rayon Mərkəzi Poçt  Şöbəsinin qarşısında olarsan. Hətta mənə dedi ki, hazırlıqlı gələrsən. 

Mənim yaxın  dostum olan Sahibdən  3000 manat pul   alıb, sentyabr ayının 1-i saat  09:30-da  poçtun qarşısına gəldim. Mən Novruz müəllimə zəng edərək  onu gözlədiyimi bildirdim. O isə mənə dedi ki, köhnə təcili tibbi  yardım stansiyasının qarşısına  gəl. Mən oraya getdim.  O, məni öz maşınına mindirib, məndən  3000 manat pulu aldı və məni öz maşını ilə “Dördyol”da qənd zavoduna aparıb bildirdi  ki, sentyabr  ayının 1-dən burada növbədəsən. Məni orada düşürüb, o biri mühafizəçiyə tapşırdı ki, gecə işıqlarını  haradan, necə yandırmaq lazımdır başa sal. Mühafizəçi mənə hamısını göstərdi və təhvil-təslim edib, Novruz  müəllim özü də mühafizəçiylə çıxıb getdi.

 Birinci dəfə məni oraya aparanda, məndən 3000 manatı alanda  məndən yalnız şəxsiyyət vəsiqəmin surətini almış, mənə  demişdir ki, 3 sutka  işə çıxdıqdan sonra sənə digər sənədlərini də toplatdıracam. Mən 1 sentyabr tarixindən  20 sentyabra  kimi  işə  çıxmışam. Novruz  İsrafilov  mənimlə heç bir əmək müqaviləsi bağlamadan  20 gün işlədib, məndən başqa  o biri işçiləri də əmək müqaviləsi olmadan işlədir.   İşlədiyim yerdə qənd zavodunun müdiri  və orada işləyənlərin hamısı şahiddir ki, mən  20 gün  orada  işləmişəm. Hər dəfə növbədən çıxanda  Novruz müəllimə zəng vurub və mesaj yazaraq  görüşməyimi desəm də, o mənimlə görüşməkdən boyun qaçırırdı. Mən işə çıxa-çıxa o mənimlə maraqlanmır, sənədlərimi hazırlamağımı demir, lakin başqalarını işə götürür, onların sənədlərini  hazırladırdı. O, məni işə aparanda mənə demişdir ki, ayda  300 manat əmək haqqı  alacan, sonra isə maaşın yavaş-yavaş qalxacaq, həmçinin əmək haqqını  kartla  alacaqsan. Sizin  işiniz  elə-belə iş deyil, dövlət işidir, birbaşa Daxili İşlər Nazirliyinin işçisi  sayılırsınız. 

Onu da bildirim ki, Novruz müəllim tək məni aldatmayıb, bir neçə fağır, kasıb belə insanları aldadıb, onların pulunu mənimsəyib, onlar da bir-iki ay işləyib, orada olan haqsızlıqları görüb işdən çıxıblar. Ancaq onlar verdikləri pullarını istəsələr də , Novruz müəllim onlara hədə-qorxu gələrək bildirmişdir ki, “siz  məndən nə pulu istəyirsiniz, pulunuz Daxili İşlər Nazirliyindədir, əgər ala bilirsinzisə, gedin özünüz alın”. 

Hörmətli   Rəis!

Maddi sübut olaraq  mənim işə çıxmağım barədə şahidləri  bilmək istəsəniz, qənd sexinin müdiri  başda olmaqla orada işləyən bütün işçilərin hamısı buna şahiddir. Məndən əvvəl  da bir neçə  nəfəri aldadıbsa, onların bəzilərinin adını bildiyimə görə  ərizəmə qeyd edirəm. Məmmədov Bayram Qeybulla oğlu, Hacıbabayev Nicat  Rafiq oğlu, Şabanov Rəsul Zakir oğlu. Hələ bir neçə nəfər də var ki, onların adlarını bilmirəm, onların da adlarını  bir-bir  öyrənib, Novruz müəllimin cinayət məsuliyyətinə cəlb olunmağına yardımçı olacağam. Onu da bildirim ki, mənim bu şikayətimdən sonra Şabanov Rəsul Zakir oğlunun, Məmmədov Bayram Qeybulla oğlunun pulunu verib. Hacıbalayev Nicat Rafiq oğluna  700 manat, mənə  2500 manat pul verməlidir.  Lakin  mənə verəcəyi      3000 manat  puldan yalnız 500 manatını verib,  2500 manatı verməkdən boyun qaçırır. Mən zəng etsəm də zənglərimə cavab vermir.   Onu da qeyd edim ki, mən 27 sentyabr  2023-cü ildə şikayət ərizəsi ünvanladıqdan sonra 06.10.2023-cü il tarixdə 3000 manatdan  500 manatını qaytarıb, mənə barışıq üçün ərizə yazdırdı ki, bir ay sonra sənin  2500 manatını da verəcəm. Həmin dələduz şirin dilindən istifadə edərək  mənə  və digərlərinə barışıq ərizəsi yazdırmaqla  başına oyun açır, şantaj edərək hədə-qorxu gəlir,   hətta Nicat Rafiq oğlunun “Vətən-N” xidmətinin rəisi Novruz İsrafilovla telefon danışığı var . O, həmin danışıqda da Nicat Rafiq oğluna hədə-qorxu gəlir ki, səndən mən pul almamışam, sən hüquq-mühafizə orqanlarında izahat verəndə,  nahaq yerə demisən ki, mən Novruz İsrafilova   700 manat pul vermişəm. Nicat da deyir ki,  nə vermişəmsə, onu da demişəm.

Həmin gündən bu günə qədər mənim 2500 manat pulumu vermir. O, dələduzluq  işləri ilə məşğuldur. Həmçinin məndən başqa bir neçə insanı da aldadıbdır. Xahiş edirəm ki, bizdən aldığı  pullar bizim özümüzə qaytarılsın, bizə dəymiş həm maddi, həm də mənəvi ziyanlıq ödənilsin. 

Sizdən artıq dərəcədə xahiş edirəm ki, Novruz İsrafilov adlı bu dələduz barəsində ciddi tədbir görəsiniz və bizdən aldığı pulların özümüzə qaytarılmasına köməklik  göstərəsiniz. 

Novruz İsrəfilov