Almaniya tərəfindən cinayət törətmək üçün təşkilatın yaradılması, cinayət yolu ilə əldə edilmiş pul vəsaitlərinin yuyulması və narkotik vasitələrin qanunsuz dövriyyəsinin həyata keçirilməsi ittihamları ilə İnterpolun qırmızı bülleteni ilə axtarışda olan mütəşəkkil cinayətkar qruplaşmanın rəhbəri Erik Şröder İstanbulda saxlanılıb.

TRT xəbər verir ki, bu barədə sosial media hesabında Türkiyənin daxili işlər naziri Əli Yerlikaya məlumat yayıb.

Məlumata görə, əməliyyat İstanbul polisi tərəfindən “Qəfəs-25” əməliyyatı çərçivəsində təşkil edilib. Əməliyyat zamanı 41 min 850 avro və 38 min türk lirəsi, məşhur markaya məxsus qol saatları, pasportlar və sim kartlar ələ keçirilib.