Mingəçevirdə seçki məntəqəsinin sədri dünyasını dəyişib.

Hadisə günorta saatlarında 33 saylı seçki məntəqəsində baş verib.

Məntəqə sədri və 14 saylı Körpələr Evi Uşaq Bağçasının sədri 1961-ci il təvəllüdlü Əsgərova Kəmalə Məmməd qızının ürək tutmasından halı qəfil pisləşib. Bütün cəhdlərə baxmayaraq bir müddət sonra o keçinib.

Məlumat üçün bildirək ki, bir neçə gün öncə Kəmalə Əsgərova həkimə müraciət edib və ona səhətti ilə bağlı xəstəxanada yatmaq tövsiyə olunub. Lakin o, seçkilərdən sonra xəstəxanaya gələcəyini bildirib.