Türkmənistanın qərb rayonlarında hakimiyyət orqanları toy məclislərində yerli sakinləri sabiq prezident Qurbanqulu Berdiməhəmmədovun mahnılarını səsləndirməyə məcbur edir.

Bu barədə Azadlıq radiosunun Türkmənistan xidməti məlumat yayıb.

Qeyd olunur ki, sakinlərə xarici musiqi səsləndirmək qadağan edilib.

Azadlıq Radiosu bildirir ki, bu barədə rəsmi göstəriş yoxdur, amma sözügedən əmr VVAQ şöbələrində şifahi şəkildə əhaliyə çatdırılır: "VVAQ cütlükləri toylarında yalnız türkmən musiqisi səsləndirmək barədə xəbərdar edir. Həmçinin toyun türkmən adətlərinə uyğun şəkildə keçirilməsi tələb olunur", - deyə Balkansk vilayətindəki mənbə radioya bildirib.