Türkiyə daxili işlər naziri Ali Yerlikaya Tekirdağın Çorlu şəhərində xaricdə fərari olan Barış Boyunun rəhbərlik etdiyi mütəşəkkil cinayətkar qruplaşmaya qarşı 3 günlük “Mahzen-19” əməliyyatlarının aparıldığını açıqlayıb.

“TRT Haber” xəbər verir ki, keçirilən əməliyyatlar zamanı dəstə başçısının rəhbərlik etdiyi mütəşəkkil cinayətkar dəstənin üzvü olan 13 şübhəli saxlanılıb.

Araşdırmalar nəticəsində mütəşəkkil cinayət təşkilatı üzvü olan şübhəlilərin dəstə başçısı Barış Boyunun xaricdən verdiyi göstərişlə cinayət törətmək üçün təşkilat yaratmaq, qəsdən adam öldürmə, silahlı basqın, oğurluq, 6136 saylı qanunu pozma cinayətlərini törətdikləri müəyyən edilib.

Əməliyyatlar nəticəsində silah-sursat aşkar edilib.