Rusiyanın Sankt-Peterburq vilayətində gecə saatlarında Liteni körpüsünün altında iki gəmi toqquşub.

TASS xəbər verir ki, xəsarət alan olmayıb, dəymiş ziyan müəyyənləşdirilir.

Qeyd olunub ki, faktla bağlı Şimal-Qərb Nəqliyyat Prokurorluğunda araşdırmalara başlanılıb.

“İlkin məlumatlara görə, gecə saatlarında Sankt-Peterburqdakı “Liteni” körpüsünün altında “Solaris” motorlu gəmisi “Chaika-LNG” gəmisi ilə toqquşub”, - deyə prokurorluğun məlumatında bildirilir.

Qeyd olunub ki, bu, bir həftə ərzində Sankt-Peterburqda qeydə alının ikinci gəmi toqquşması hadisəsidir. Belə ki, mayın 24-nə keçən gecə sərnişin daşıyan gəmilərdən biri şəhərin mərkəzindəki tarixi Blaqoveşenski körpüsünün dayağına çırpılıb.