Ədliyyə Nazirliyi Penitensiar xidməti həbsdə olan jurnalist Əfqan Muxtarlının vəkili barəsində tədbir görülməsi üçün Vəkillər Kollegiyasına müraciət edib.
Penitensiar Xidmətdən verilən məlumata görə, müraciət deyilir ki, son günlər bir sıra informasiya saytlarında və sosial şəbəkələrdə məhkum Əfqan Muxtarlının vəkili Nemət Kərimlinin cəzaçəkmə müəssisəsində müvəkkili ilə görüşə gəldiyi zaman onun üzərində qanunsuz axtarış aparıldığı və guya müəssisə əməkdaşlarının onunla sərt davrandıqları barədə həqiqətə uyğun olmayan bəyanatı yayılıb.
Bildirilib ki, Cəzaların İcrası Məcəlləsinin 75.5-ci maddəsinin, Cəzaçəkmə Müəssisələrinin Daxili İntizam Qaydalarının və "Müəyyən müddətə azadlıqdan məhrumetmə və ömürlük azadlıqdan məhrumetmə növündə cəzaları icra edən müəssisələrə daxilolma Qaydası"nın tələblərinə uyğun olaraq cəzaçəkmə müəssisələrinə daxil olan və çıxan şəxslərə, eləcə də onların əşyalarına baxış keçirilə bilər.


Paylaş: