Nepalın paytaxtı Katmanduda hava limanında təyyarə qəzaya düşüb.

“The Himalayan Times” xəbər verir ki, “Saurya Airlines” aviaşirkətinə məxsus təyyarə Tribhuvan aeroportunda havaya qalxmaq istəyərkən qəzaya uğrayıb.

Hadisə nəticəsində 18 nəfər həlak olub. Bir nəfər isə dağıntılar altından xilas edilib.

Məlumata görə, təyyarənin göyərtəsində sərnişin olmayıb və orada yalnız texniki mütəxəssislər olub.

Qəzanın səbəbləri açıqlanmayıb.