Yeddilik Qrupu (G7) ölkələrinin xarici işlər nazirləri Yaxın Şərqdə gərginliyin qarşısını almağa çağırıblar.

Bu barədə G7 ölkələrinin xarici işlər nazirlərinin birgə bəyanatında bildirilib.

Nazirlər regionda daha da geniş münaqişələrə səbəb olacaq gərginliyin artması perspektivindən dərin narahat olduqlarını bildiriblər. Qeyd olunur ki, Yaxın Şərqdə gərginlik heç bir ölkə və ya xalqın xeyrinə olmayacaq.

“Biz bir daha bütün tərəfləri cavab zorakılığının hazırkı dağıdıcı dövrəsini davam etdirməkdən çəkinməyə və gərginliyin azaldılması üçün konstruktiv şəkildə məşğul olmağa çağırırıq”, - G7-nin bəyanatında qeyd olunub.