Ağsu rayonunda qadını it dişləyib.

"Report"un Yuxarı Şirvan bürosu xəbər verir ki, hadisə rayonun Abasxanlı kəndində qeydə alınıb.

Kəndin 1972-ci il təvəllüdlü sakini Xalidə Tapdıq qızı Məmmədova həyətyanı sahədə gəzərkən onu it dişləyib.

Yaralı yaxınlarının köməkliyi ilə Ağsu Rayon Mərkəzi Xəstəxanasına çatdırılıb. Yaralıya ilkin tibbi yardım göstərilib və ona quduzluq əleyhinə iynə vurulub. Həkimlər xəstəyə hər iki yuxarı ətrafın əl pəncəsinin dişlənmiş-cırılmış yarası diaqnozu qoyublar.

Faktla bağlı araşdırma aparılır.


Paylaş: