Qaynı tərəfindən döyülən Şəfiqə Mollazadə və qızı Lamiyə Mollazadənin səhhəti orta ağırdır.
Zərərçəkmişlər hələ də 1 saylı şəhər kliniki xəstəxanada müalicə alırlar. regionxeberlericom.az bildirir ki, bu barədə Lent.az -a xəstəxanadan məlumat verilib. Verilən məlumata görə, Şəfiqə Mollazadə və Lamiyə Mollazadənin durumu orta ağır olaraq qiymətləndirilir. Bildirilir ki, zərərçəkmişlər travmatologiya şöbəsinə ağır travma diaqnozu ilə daxil olublar.
Qeyd edək ki, hadisə dünən Nəsimi rayonu Mirəli Qaşqay küçəsində qeydə alınıb. Belə ki, 1981-ci il təvəllüdlü Şəfiqə Mollazadənin yaşadığı ünvana onun qaynı öz xanımı ilə qonaq gəlib. Mənzildə onların arasında mübahisə yaranıb və qayın beysbol dəyənəyi ilə əvvəlcə Ş.Mollazadəni, daha sonra 2000-ci il təvəllüdlü Lamiyə Mollazadəni döyüb. Hər iki yaralı ağır vəziyyətdə 1 saylı Xəstəxanaya yerləşdirilib.
Nəsimi Rayon Polis İdarəsinin 20-ci Polis Bölməsinin əməkdaşları hadisə yerinə cəlb edilib. Hadisəni törədən şəxs saxlanılıb.


Paylaş: