Türkiyənin Kocaeli vilayətində yaşayış binasında partlayış baş verib.

Bu haqda “TRT haber” məlumat yayıb.

Məlumata görə, Abdi İpəkçi məhəlləsində yerləşən üçmərtəbəli yaşayış binasının birinci mərtəbəsində baş verən partlayış qaz sızmasından qaynaqlanıb.

Partlayışdan sonra mənzildə yanğın baş verib.

Əraziyə polis və xilasetmə qrupları cəlb edilib.

İlkin məlumata görə, hadisə nəticəsində 10 nəfər xəsarət alıb.