Xaçmazda quldurluq faktı qeydə alınıb.

regionxeberlericom.az-un Lent.az-a istinadən məlumatına görə, hadisə dünən axşam saat 20 radələrində Xaçmaz rayonu Hülövlü kəndində verib. Belə ki, kənd sakini, həmin kənddə diş həkimi işləyən 1984-cü il təvəllüdlü Balayev Rəşad Tofiq oğlunun həyətinə üzü maskalı şəxs daxil olaraq ondan pul tələb edib.

Məlumat əsasında rayon prokurorluğu və Rayon Polis Şöbəsinin əməkdaşları hadisə yerinə gələrək, fotoşəkillər çəkib və həyətdə quraşdırılan kameralardan video görüntülər götürülüb.

İlkin araşdırma zamanı müəyyən edilibk i, Rəşad Balayev dünən saat 20 radələrində valideynləri, həyat yoldaşı və 1 azyaşlı övladı ilə birgə həyətə çıxan zaman, pilləkənin altında gizlənən üzü maskalı, əlində bıçaq olan şəxs onun qarşısıan çıxaraq pul tələb edib. Bu vaxt Rəşad balayev həmin şəxslə əlbəyaxa olarkən yerə yıxılıb və dərhal ayağa qalxaraq köməyə adam çağırdığı üçün maskalı şəxs hasardan tullanaraq qaçıb gedib.

Keçirilən əməliyyat-axtarış tədbirləri nəticəsində cinayət hadisəsini törədən şəxsin Xaçmaz rayon Hülövlü kənd sakini Nizamov Tamerlan Eynulla olduğu müəyyən edilib. Şübhəli şəxs qismində saxlanılan Tamerlan Nizamov dindirmə zamanı cinayət əməlini tam təfərrüatı ilə etiraf edib.

Faktla bağlı Xaçmaz Rayon Polis Şöbəsində Cinayət Məcəlləsinin 181.2.3 və 181.2.5-ci maddələri ilə cinayət işi başlanılıb.


Paylaş: