Bakıda 8 yaşlı oğlan uşağına qarşı iyrənc hərəkət etməkdə təqsirli bilinən Elimdar Əbilov hökmdən Bakı Apellyasiya Məhkəməsinə şikayəti verib.
regionxeberlericom.az "Ölkə.Az"-a istinadən xəbər verir ki, onun şikayəti ilə bağlı məhkəmə prosesi hakim Həsən Əhmədovun sədrliyi ilə noyabr ayının 14-də keçiriləcək.

İttihama görə, E.Əbilov 8 yaşlı oğlan uşağına qarşı seksual xarakterli hərəkətlər edib. O, məhəllədə oynayan azyaşlını aldadaraq naməlum istiqamətdə aparıb. Onun bu əməli nəzarət kameraları tərəfindən lentə alınıb. Əbilov əməlindən peşman olduğunu deyib. O, hadisəni törədən zaman içkili olub.

Qeyd edək ki, ona qarşı Cinayət Məcəlləsinin 150.3.3-cü (Seksual xarakterli zorakılıq hərəkətləri; təqsirkar şəxs üçün aşkar surətdə on dörd yaşına çatmayan şəxs barəsində törədildikdə) maddəsi ilə ittiham edilib.
Bakı Ağır Cinayətlər Məhkəməsində hakim Azər Paşayevin sədrliyi ilə keçirilən məhkəmə iclasında hökm oxunub. Hökmə əsasən E.Əbilov 10 il müddətinə azadlıqdan məhrum edilib.


Paylaş: