15 günlük körpə uşaq anası Aliyə Xəzər TV-də yayımlanan "Səni axtarıram" verilişinə kömək üçün müraciət edib.
AzNews.az xəbər verir ki, gənc qadın uşağının atası tərəfindən ölümlə hədələndiyini söyləyib. Aliyənin sözlərinə görə, onun həyatı təhlükə altındadır.
Bu ilin fevralında Elnur adlı oğlanla bir evdə yaşamağa başlayan qadın ondan hamilə qalıb. Lakin çox keçmədən cütlük yola gedə bilməyib. Aliyənin sözlərinə görə, uşağın tələf olması üçün Elnur onu dəfələrlə döyüb.
Efirə gələn Aliyənin anası isə qızının yalan danışdığını, Elnurun uşağı görmək üçün əlindən gələni etməsinə baxmayaraq Aliyənin uşağı atasına göstərmədiyini bildirib. Verilişdə qadının qızını deyil, onun sevgilisini müdafiə etməsi izləyənləri özündən çıxarıb.
Üzünü və peşəsini gizlətməyə çalışan ananın müğənni olduğu ortaya çıxıb.


Paylaş: