Zaqatalada son iki ayda üç baş iribuynuzlu heyvan quduzluq xəstəliyindən ölüb.

APA-nın şimal-qərb bürosunun məlumatına görə, ölüm faktları rayonun Danaçı və Höytala kəndlərində qeydə alınıb. Belə ki, son iki ayda adıçəkilən kəndlərdə şəxsi təssərrüfatlarda üç baş iribuynuzlu heyvan quduzluqdan ölüb.

Kənd baytarlıq məntəqələrindən APA-ya faktı təsdiqləyiblər. Bildirilib ki, ölən heyvanlar baytarlıq təlimatına uyğun olaraq basdırılıb və şəxsi təssərrüfatlar dezinfeksiya edilib.

Ölən heyvanların quduzluq xəstəliyinə meşədə yırtıcı heyvanların hücumuna məruz qalması nəticəsində yoluxduğu ehtimal edilir.


Paylaş: