Şəkidə qətl törədən şəxs tutulub.

Şəki rayon Prokurorluğundan APA -ya verilən məlumata görə, yanvarın 29-u saat 20 radələrində Şəki şəhərində yerləşən fərdi yaşayış evlərindən birində 44 yaşlı1-ci qrup əlil Eyvaz Səmədovun üzərində zorakılıq əlamətləri olan meyitinin aşkar olunması barədə məlumat daxil olub. Dərhal prokurorluq, polis əməkdaşlarının və məhkəmə tibbi ekspertinin iştirakı ilə hadisə yerinə və meyitə baxış keçirilib, iş üzrə maddi sübutlar müvafiq qaydada qablaşdırılaraq götürülüb, müvafiq ekspertizalar təyin edilib.

Faktla bağlı Şəki rayon Prokurorluğunda Cinayət Məcəlləsinin müvafiq maddələri ilə cinayət işi başlanıb. Təxirəsalınmaz istintaq tədbirləri ilə hadisənin şəhər sakini, 37 yaşlı Orxan Yusiflinin törətməsinə əsaslı şübhələr müəyyən edilib. O. Yusifli şübhəli şəxs qismində tutularaq istintaqa cəlb edilib.

Hadisə ilə bağlı əlavə məlumat veriləcək.

***

Saat 08:21

Şəkidə qətl hadisəsi baş verib.

APA-nın şimal-qərb bürosunun məlumatına görə, hadisə ötən gün axşam saatlarında olub. Görmə məhdüdiyyətli Eyvaz adlı şəxs bıçaqlanaraq qətlə yetirilib.

Faktla bağlı Şəki rayon prokurorluğunda araşdırma aparılır.



Paylaş: