Erkən doğulmuş körpənin cəsədi Bakının Yasamal rayonunda yanvarın 31-də tapılıb.

regionxeberlericom.az bildirir ki, bu barədə Oxu.Az-a hüquq-mühafizə orqanlarından məlumat verilib.

Körpənin cəsədi Şərifzadə küçəsində yanğın təhlükəsizliyi xidmətinin binası yaxınlığında aşkarlanıb.

İlkin araşdırmalar nəticəsində şəxsiyyəti hələlik müəyyən edilməyən qadının hamiləliyinin 4-5 gün əvvəl 20-ci həftədə sonlandığı məlum olub. Körpə ölü doğulub.

Cəsəd tapılarkən çürümə vəziyyətində olub.

Hüquq-mühafizə orqanlarının məlumatına görə, qadının əməlində cinayət tərkibi yoxdur.

“Qadın uşağı küçəyə atmaq əvəzinə dəfn etməli idi. Faktla bağlı araşdırma aparılır”, - hüquq-mühafizə orqanlarından bildirilib.


Paylaş: