Yasamal rayonunda xuliqanlıq etməkdə təqsirli bilinən Ramil Əzizovun cinayət işi üzrə ibtidai istintaq başa çatıb.
regionxeberlericom.az "Ölkə.Az"-a istinadən xəbər verir ki, cinayət işinin materialları baxılması üçün Yasamal Rayon Məhkəməsinə göndərilib.

Cinayət işi hakim İslam Əliyevin icraatına verilib.

İş üzrə hazırlıq iclası martın 29-na təyin edilib.

Qeyd edək ki, Yasamal rayonunda Ş.Əzizova və A.Qazıyevanın birgə idarə etdikləri avtomobilin şinlərinin kəsilməsi ilə bağlı fevralın 1-də 102 Xidməti Zəng Mərkəzinə müraciət daxil olub.
Həmin müraciət üzrə Yasamal Rayon Polis İdarəsinin (RPİ) 28-ci Polis Bölməsində (PB) aparılan araşdırma zamanı izahatı alınan Ramil Əzizov keçmiş yoldaşı Ş.Qazıyeva ilə boşandıqdan sonra iki azyaşlı övladını ona göstərmədiyi üçün avtomobilin şinlərini dəmir parçası ilə kəsdiyini bildirib.

Ona Cinayət Məcəlləsinin 221.1-ci (xuliqanlıq) maddəsi ilə ittiham verilib.

Xatırladaq ki, R.Əzizov sabiq Müdafiə naziri Rəhim Qazıyevin keçmiş kürəkənidir.

R.Əzizovun həmçinin fevralın 19-da Yasamal rayonu ərazisində Rəhim Qazıyevi döyməsi barədə məlumat yayılıb və o, polis tərəfindən saxlanılıb.


Paylaş: