Sumqayıtda fəhlə bədbəxt hadisə nəticəsində ölüb.

Hadisə şəhərin “Qurd dərəsi” adlanan bağlar yaşayış massivində baş verib. Fərdi yaşayış evlərindən birində fəhlə işləyən 33 yaşlı İlham Məmmədovun üzərinə daş hasar uçub. Nəticədə, o, daşların altında qalıb. Yaxınlıqda olan insanlar onu xilas etmək istəsələr də, bu, mümkün olmayıb.

Əraziyə Təcili Tibbi Yardım briqadası və polis əməkdaşları cəlb olunub. Mərhumun meyiti müayinə olunması üçün Məhkəmə Tibbi Ekspertiza və Patoloji Anatomiya Birliyinə təhvil verilib.

Faktla bağlı araşdırma aparılır.



Paylaş: