Məşhur rus filosof, dialektika nəzəriyyəsi və sosial fəlsəfə tədqiqatçısı Lev Naumenko 87 yaşında qocalıq səbəbindən intihar edib.
Naumenkonun cansız bədəni iyunun 18-də səhər saatlarında Moskvanın Kudrinskaya meydanındakı evində tapılıb. Onun bu evdə həyat yoldaşı ilə yaşadığı bildirilib.
“Görmə, eşitmə və yaddaş qabiliyyətim itir. Həyatdan getmək çətindir, amma qalmaq ondan da çətindir”,- deyə filosof son məktubunda yazıb.
Qeyd edək ki, L. Naumenko dialektika nəzəriyyəsinə dair bir sıra əsərlərinə görə Qazaxıstan SSR Dövlət mükafatına layiq görülüb. Onun tədqiqat sahəsinə bilik nəzəriyyəsi, dialektikanın nəzəriyyəsi və tarixi, elmin məntiqi və metodologiyası və sistematik yanaşma metodologiyası daxil idi.


Paylaş: