Göygöl polisi rayon ərazisində karantin qaydalarını pozduğuna görə Azərbaycan Dövlət Aqrar Universitetinin rektoru, (ADAU) plagiat akademik İbrahim Cəfərovu və sürücüsünü cərimələyib. İnzibati xəta haqqında protokola əsasən, rektorun özü vəzifəli şəxs qismində 200, gənc sürücüsü isə 100 manat məbləğində cərimə ödənişinə cəlb edilib.
"Demokratik.Az"-ın əldə etdiyi məlumata görə, rektor polisə ifadəsində cari il iyulun 6-da işin sonunda Göygöl rayonuna gedərək "Moskva-Market" adlı mağazadan alış-veriş edərkən maskasız və əlcəksiz halda karantin qaydalarını pozduğunu təsdiq edib. Özü və sürücüsünə yazılan protokolun qanuniliyini qəbul edərək heç bir etiraz bildirməyib.
İbrahim Cəfərov Gəncədə maskalandı - Göygölə gedib maskasızlaşdı
Xatırladaq ki, xəbəri Göygöl rayonunda yaşayan jurnalist Osman Nərimanoğlu ictimailəşdirmişdi və zəruri tədbir görülməsi üçün DİN naziri cənab Vilayət Eyvazova rəsmi müraciət etmişdi.
Son günlərdə nəvəsinə toy edib karantin qaydalarını saymayan akademik Ramiz Mehdiyevin, eləcə də həmin qalmaqallı toyda iştirak edib sərt cəza alan digərlərinin də paralelində ADAU rektorunun haqlı olaraq cəzalandırılması sevindirici haldır. Bu həm də onun isbatıdır ki, qanun heç bir vəzifəli üçün xüsusi imtiyaz tanımır.
Saytımız adından DİN rəhbərliyinə və Göygöl polisinə qanun aliliyi prinsiplərinə həssas davranışlarına görə dərin təşəkkürümüzü bildiririk.
Demokratik.Az




Paylaş: