Son sutka ərzində Bakıda iki intihar hadisəsi qeydə alınıb.

Bu barədə Oxu.Az-a hüquq-mühafizə orqanlarından məlumat verilib.

31 avqustda Bakının Nizami rayonunda, Ordubadi küçəsində yerləşən 7 nömrəli yaşayış binasının zirzəmisində, bu binada yerləşən mənzillərindən birində yaşayan (1964-cü il təvəllüdlü) İradə Qasımovanın cəsədi tapılıb.

Hüquq-mühafizə orqanları intiharın səbəbini Qasımovlar ailəsinin maddi vəziyyətinin kasıb olması ilə əlaqələndirirlər.

Qadının əri çəkməçi işləyir. Məlum olub ki, qadın bir neçə il əvvəl də intihara cəhd edib.

Elə həmin gün, saat 21: 10-da Xəzər rayonunun Şağan qəsəbəsində, Akif Əhmədov (1968-ci il təvəllüdlü) özünü evinin tavanından asıb.

Əldə olunan məlumata görə, psixi xəstəlikdən əziyyət çəkən A.Əhmədov psixonevroloji xəstəxanada qeydiyyatda olub.

Hazırda rayon prokurorluqları intiharların səbəblərini müəyyənləşdirmək üçün araşdırma aparır.

Ramella İbrahimxəlilova

13:12

Bakıda 56 yaşlı qadın intihar edib.

APA-nın məlumatına görə, hadisə paytaxtın Nizami rayonu, Ordubadi küçəsində yerləşən mənzilin zirzəmisində baş verib.

Bakı şəhər sakini, 1964-cü il təvəllüdlü İradə Qasımova özünü asaraq intihar edib.

Faktla bağlı Nizami Rayon Prokurorluğunda cinayət işi başlanıb.


Paylaş: