Azərbaycan Ordusunun 44 günə zəfərlə bitirdiyi Vətən müharibəsində qəhrəmancasına şəhid olan əsgərlərdən biri də Elməddin Telman oğlu Abdullayevdir.

E.Abdullayev 2001-ci il fevralın 13-də Quba rayonun Qam-qam kəndində anadan olub. O, 2018-ci ildə şəhid Mübariz Abdullayev adına Qam-qam kənd tam orta məktəbini bitirib. 2019-cu ilin aprel ayında isə hərbi xidmətə yollanıb.

Hərbi xidmət dövründə rəis və komandir heyətinin rəğbətini qazanan Elməddin yaxşı əsgər kimi fərqlənib. Xidmətinin sona çatmasına bir neçə gün qalmış Vətən müharibəsi başlayıb. Əsgər Elməddin Abdullayev də “Dəmir yumruq” hərbi əməliyyatına qatılır və sentyabrın 27-dən 28-nə keçən gecə şəhid olur.



Paylaş: