Tarixçi-alim, Bütöv Azərbaycan Ocaqlarının təmsilçisi Dilavər Əzimli koronavirusa yoluxub. Ev şəraitində müalicəsi mümkün olmayan tarixçi Fövqəladə Hallar Nazirliyinin Zığ qəsəbəsində yerləşən modul tipli xəstəxanasına yerləşdirilib.

Alimin səhhəti ilə bağlı “Şərq”ə məlumat verən yaxın dostu, türkoloq-alim, BAO üzvü Faiq Ələkbərli deyib ki, ayın 4-də Dilavər Əzimlinin vəziyyəti bir qədər ağırlaşıb və təngnəfəsliyi artıb. Onun sözlərinə görə, klinikada ciyərləri təmizlənib:

“Hazırkı durumu stabildir, vəziyyəti o qədər də ağır deyil. Həkimlər səhhətini orta-ağır səviyyədə dəyərləndirirlər. Tibb işçiləri əllərindən gələni edirlər. Hər şey bədənin müqavimətindən asılıdır. İnşallah, tez zamanda ayağa qalxacaq. Bütöv Azərbaycan Ocaqlarının rəhbərliyi Dilavər müəllimin durumunu daim diqqətdə saxlayır. Bir neçə millət vəkilinə də müraciət etmişik. Sağ olsunlar, deputatlar da vəziyyəti nəzarətdə saxlayır, bacardıqlarını edirlər. Ümid edək, vəziyyəti yaxşılaşmağa doğru getsin”.


Paylaş: