Tovuz rayonunda yanğın hadisəsi olub.

"Report"un Qərb mərkəzinin məlumatına görə, hadisə rayonun Xatınlı kəndində qeydə alınıb.

Belə ki, kənd sakini İsrafil Mustafayevə məxsus fərdi evdə yanğın olub.

İlkin məlumata görə, evdə nəzarətsiz qalan azyaşlı mənzilin birinci mərtəbəsində olan quru otu yandırıb. Yanğın zamanı sahəsi 130 kvadratmetr olan ikimərtəbəli ev yanaraq külə dönüb.

Yanğının söndürülməsi üçün əraziyə Fövqəladə Hallar Nazirliyinin Tovuz rayon Yanğından Mühafizə Hissəsinin 3 yanğınsöndürən avtomobili və canlı qüvvəsi cəlb olunub.

Evdə qalan qadın və dörd uşaq təxliyyə edilib. Yanğının ətraf tikililərə yayılmasının qarşısı alınıb. Hadisə zamanı xəsarət alan olmayıb.


Paylaş: