İmişli rayonunda evdə qaz partlayışı nəticəsində yaralanan şəxslərdən birinin vəziyyəti ağırdır.

Bu barədə “Report”a Milli Məclisin deputatı Razi Nurullayevin köməkçisi Ehtiram Mehtiyev məlumat verib.

O qeyd edib ki, hadisə nəticəsində yaralanan Mahir Atakişiyev, Ofeliya Atakişiyeva və Səfər Atakişiyev Bakıya - 5 saylı Şəhər Klinik Xəstəxanasına gətirilib. Hazırda onlar xəstəxananın Yanıq Şöbəsində müalicə olunurlar, yaralılardan S.Atakişiyevin vəziyyəti isə ağırdır.

Qeyd edək ki, hadisə fevralın 17-də İmişlinin Sarxanlı kəndində fərdi yaşayış evində qeydə alınıb. Qaz sızması nəticəsində baş verən partlayış nəticəsində M.Atakişiyev, O.Atakişiyeva və S.Atakişiyev yaralanıb.

Xatırladaq ki, həmin şəxslərin hər üçü birinci qrup əlildir.



Paylaş: