Bakıda bir neçə evdən oğurluq etməkdə və narkotik vasitədən istifadədə təqsirləndirilən şəxslərin məhkəməsi keçirilib.

Musavat.com xəbər verir ki, Bakı Ağır Cinayətlər Məhkəməsində Həsən Tağıyev və Nicat Həsənovun cinayət işi üzrə məhkəmə iclası keçirilib.

Hakim Əfqan Hacıyevin sədrliyi ilə keçirilən sonuncu məhkəmə iclasında hökm oxunub.

Hökmə əsasən Nicat Həsənov 6 il, Həsən Tağıyev isə 9 il müddətinə azadlıqdan məhrum ediliblər.

Təqsirləndirilən şəxslərə oğurluq və nakotik vasitədən istifadə ittihamları irəli sürülüb.

Nicat Həsənov hökm elan edilməmişdən əvvəl özünə xəsarət yetirməyə cəhd edib. Konvoy əməkdaşlarının müdaxiləsi ilə Nicat Həsənovun bu niyyətinin qarşısı alınıb. N.Həsənov ittihamla tam olaraq razılaşmadığını deyir.


Paylaş: