Zaqatalada 10 il əvvəl qətl törədən şəxsə hökm oxunub.

Şəki Ağır Cinayətlər Məhkəməsinin hökmü ilə İsmayılov Polad Şəmşəddin oğlu Cinayət Məcəlləsinin 120.1-ci (qəsdən adam öldürmə) maddəsi ilə təqsirli bilinərək 11 il müddətinə azadlıqdan məhrumetmə cəzasına məhkum edilib.

Qeyd edək ki, məlum qətl hadisəsi 2011-ci ildə törədilib. Qətli törədən şəxs 9 il sonra həbs edilib.

Həyata keçirilən əməliyyat-istintaq tədbirləri nəticəsində 2011-ci ildə Zaqatala şəhər sakini S. Eyyubovanı yaşadığı evdə bıçaqla qətlə yetirərək hadisə yerindən yayınan şəxsin Gəncə şəhər sakini Polad İsmayılov olduğu müəyyən edilib.


Paylaş: