2019-cu il iyulun 15-də Suraxanı RPİ 30-cu PŞ-dən rayon prokurorluğuna inzibati ərazidə yaşayan Ruslan Faxrətovun bıçaqla özünə xəsarət yetirməsi və ölməsi barədə məlumat daxil olub. Dərhal onun yaşadığı əraziyə polis əməkdaşları cəlb olunub.

regionxeberlericom.az BAKU TV-yə istinadən xəbər verir ki, Ruslan Faxrətovun meyiti aşkar edilib.

Faktla bağlı Suraxanı rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlanılıb. İlkin ifadələində Şahanə Faxrətova həyat yoldaşının boğazına bıçaq batmasından ümumiyyətlə məlumatı olmadığını göstərib.

Növbəti ifadəsində əlində bıçaqla Ruslanın olduğu otağa gedib, özünü öldürəcəyini deməsini, ərinin onu itələyərək yerə yıxmasını və üstünə yıxılan kimi kəsici alətin boğazına batmasını göstərib. Hadisədən 6 ay sonra, 2020-ci il yanvarın 26-da Bakı şəhər sakini Şahanə Faxrətova (1991-ci il təv.) şübhəli şəxs qismində saxlanılıb. Ona qarşı CM-nin 120.1-ci (qəsdən adam öldürmə) maddəsi ilə ittiham irəli sürülüb.

İstintaqla müəyyən edilib ki, Şahanə Faxrətova 2012-ci ildən Ruslan Faxrətovla rəsmi nikahda olduğu halda, ayrı-ayrı vaxtlarda öz təşəbbüsü ilə tanış olduğu kişilərlə mütəmadi intim əlaqələrdə olub. 2019-cu il iyulun 14-ü gecə yarısı Hövsan qəsəbəsində yaşadıqları mənzildə əri xəyanət etməsi barədə məlumatı olduğunu bildirərək, onu yataq otağından qovub.

Növbəti gün qadın rüsvay olmasının qarşısını almaq və xəyanətini gizlətmək məqsədilə həyat yoldaşını öldürməyi qərarlaşdırıb. Səhər saat 8 radələrində məişət təyinatlı mətbəx bıçaqla 2 dəfə boyun və bel nahiyəsindən zərbələr vuraraq Ruslan Faxrətovu qəsdən həyatdan məhrum edib.

Şahid Elçin Dadaşov bildirib ki, özünə məxsus "Mersedes C klass” markalı avtomobillə taksi fəaliyyəti ilə məşğul olub. Şahanəni müşətəri kimi apardığı zaman tanış olub. Bu zaman şahanə özünü Nuranə kimi təqdim edib. Onlar Şahanənin yaşadığı evdə dəfələrlə görüşüblər. Sonra aralarındakı Münasibəti Elçinina iləsi bildiyindən sonuncu onunla münasibətləri dayandırıb. Lakin, onun ərinin ölümü ilə bağlı məlumatı olmayıb.

Şahid qismində dindirilmiş Fərid Məmmədov və Fərhad Aqayev ifadələrində, 2017-ci ildə Şahanə Faxrətova ilə yaşadığı evdə görüşüb, cinsi əlaqədə olduqlarını göstəriblər.

Şahid Cahan Nuriyeva bildirib ki, Şahanə Faxrətova ilə birlikdə Yeni Günəşli qəsəbəsində yerləşən 275 nömrəli orta məktəbdə oxuyub. Şahanə ilə həmin qəsəbədə qonşuluqda yaşayıb. 2012-ci ildə Şahanə öz qohumuna ərə gedib. Mütəmadi telefonla danışıblar. Söhbət zamanı Şahanə ona ərinə xəyanət etdiyini, görüşdüyü oğlanlara özünü Nuranə kimi təqdim etdiyini deyib.

Şahanənin gəzdiyi oğlanlardan biri — 21 yaşlı Əsgər Cabbarovu 2016-cı ildə avtomobil vurub, öldürüb. Bir dəfə onunla Əmircan qəsəbəsində həmin şəxsin qəbrini ziyarət etməyə gedib. Səhv etmirsə Şahanə «İnstaqram» sosial şəbəkəsinə «Nura92» adı ilə daxil olaraq, oğlanlarla tanış olub. Əksəriyyətinə həyat yoldaşını öldüyünü deyib.

Məhkəmə iclasında Şahanə Faxrətova ittiham üzrə özünü təqsirli bilməyib.

Bakı Ağır Cinayətlər Məhkəməsinin hökmü ilə Ş.Faxrətova 11 il müddətinə azadlıqdan məhrum etmə cəzasına məhkum olunub. Bakı Apellyasiya Məhkəməsinin qərarı ilə hökm dəyişdirilmədən saxlanılıb.


Paylaş: