Sumqayıt sakinindən külli miqdarda narkotik tapılıb.

Daxili İşlər Nazirliyindən verilən xəbərə görə, Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Sumqayıt şəhər sakini, əvvəllər məhkum olunmuş E.Süleymanov şəhər ərazisində saxlanılıb. Şəxsi axtarış zamanı ondan 46 qramdan artıq heroin aşkar edilib.

Davam etdirilən tədbirlərlə onun yaşadığı evə baxış zamanı oradan 19 kiloqram 600 qram heroin və elektron tərəzi götürülüb.


Paylaş: