Mingəçevirdə qətl törədilib.

APA-nın məlumatına görə, şəhərin Aydın Məmmədov küçəsi 11 ünvanda üç nəfər arasında dava düşüb.

Nəticədə 1960-cı il təvəllüdlü Rizvan Məmmədov və onun dayısı, 1955-ci il təvəllüdlü Eldar Abbasov döyülüb. Ağır xəsarətlər alan hər iki şəxs xəstəxanaya çatdırılsa da, onlardan Eldar Abbasovun həyatını xilas etmək mümkün olmayıb.

O, aldığı xəsarətdən xəstəxanada ölüb.
Bildirilib ki, Şəki rayon sakini Rəşad Salamov küçədə dayı və bacıoğluna yaxınlaşaraq, onlardan siqaret istəyib. Onlar həmin şəxsə bir ədəd siqaret veriblər. Lakin o, bütöv qutunu tələb edib. Nəticədə onların arasında mübahisə düşüb.

Hadisəni törədən şəxs saxlanılıb.

Faktla bağlı araşdırma aparılır.



Paylaş: