Hava limanı-Bilgəh yolunda ağır yol nəqliyyat qəzası baş verib. Qəza zamanı üç nəfər həlak olub.

Bu barədə Təcili və Təxirəsalınmaz Tibbi Yardım Stansiyasından məlumat verilib.

Bildirilib ki, sözügedən ərazidə baş verən avtoqəza ilə bağlı daxil olan çağırış əsasında hadisə yerinə 5 Təcili Tibbi Yardım Briqadası göndərilib. Nəticədə bir qadın iki kişi olmaqla 3 nəfərin hadisə yerində həlak olduğu müəyyən edilib.

Hadisə zamanı “Shacman” markalı yük maşını ilə qanunsuz sərnişindaşıma ilə məşğul olan “Mercedes Vito” markalı nəqliyyat vasitəsi toqquşub.

Hadisə nəticəsində “Mercedes Vito”da olan daha altı nəfər xəsarət alıb.

İlkin məlumata görə, “Mercedes Vito” yol-hərəkəti qaydasını pozaraq yük maşınının qarşısına keçib. Bundan sonra idarəetməni itirən “Shacman” sözügedən nəqliyyat vasitəsini bir neçə metr kənara atıb.










Paylaş: